日本"DAISO" 透明防水指尖膠布 (8片)

小妹LaLa前排整傷指尖,而且傷口比較深,走去藥房買左止血粉同醫用防水膠布,可惜唔啱指尖用,因為冇辦法好好包住傷口,而如果用一般膠布好難緊貼手指尖位置,洗手沖涼時容易入水,傷口難癒合,用咗兩三日後,突然諗起HK嘅日本店舖,因為之前旅行,發現日本藥店比較多唔同類型款式膠布,所以就走去香港松本清揾下有冇手指尖專用膠布,佢地只有一款自家品牌人工皮墊,專用呢吸走傷口分泌物,不過小妹LaLa傷口止血後冇分泌物流出,感覺唔太適合,左諗右諗下,走去DAISO望望,竟然有而且價錢比松本清平,仲要係日本製造,呢隻指尖款做成T型,可以完全包住手指頭,不過唔係100%唔入水,所以洗手時要小心啲,而沖涼時就冇法避免,所以沖完涼之後第一時間徐下,再用消毒棉抹乾淨,等傷口乾透後,換塊新膠布,用法簡單,包裝盒後有圖示. Size : 10.3cm x 2.3cm x 6.5cm #膠布 #護理 #膠布 (此文章由U Blog 同步發佈至社群)